Staproetes by de Pakhuys
Rocklands is ’n oeroue landskap, oor eeue deur die natuur gevorm tot ’n wêreld van rotsblokke, rotstorings en kranse. Orals is daar rooi sandsteen en kronkelpaadjies wat telkens nog rotsformasies onthul, asof dit vir klimmers gerangskik is. In die afsondering en stilte kan jy bloot stilstaan en jou aan die skepping verwonder. – Nigel Sheppard
Kloofstaproete
Dié roete kronkel tussen die rotsblokke af in die kloof en langs die Brandewynrivier terug na die waterval. Gelukkige voëlkykers kan die witkruisarende hoog teen die kranse sien. Koel gerus in ’n rotspoel af.
-
Twee uur / 6 km-sirkelroete, duidelik gemerk
-
Matige tot moeilike staproete
-
’n Kaart is by die kantoor beskikbaar
Watervalroete (Blou merkers)
Dié roete volg die oewers van die Brandewynrivier tot waar die valleivloer na die Karoobekken afsak. Geniet watervalle, stroomversnellings en indrukwekkende rotsformasies.
-
1,5 uur / 4 km
-
Maklike tot matige staproete
Sylvain se roete (Rooi merkers)
Dié bergpaadjie neem jou op na Die Plaat op die plaas. Die stap duur gewoonlik sowat 30 minute en is taamlik steil; ’n redelike fiksheidsvlak word aanbeveel. Dit is ’n ideale uitkykpunt vir sonsondergang, met pragtige uitsigte oor die berge en vallei.
 |
|---|
 |
 |
 |
 |
Heuningvleiroete (22 km)
Dié roete volg die ou 4x4-pad van die bopunt van die Pakhuispas na die historiese dorpie Heuningvlei. Beleef die Sederberg se natuurskoon op ’n roete wat as een van die mooiste in die Wes-Kaap beskryf word.
-
Vervoer na die bopunt van die pas en terug kan op versoek gereël word
-
Vier tot ses uur; neem genoeg water saam
-
’n CapeNature-dagpermit word vereis en is by die kantoor beskikbaar